Rétt upp hend sem vill fara að versla fyrir mig um helgina???

Hvað er þetta?? Er ekki einu sinni hægt að gera manni smá greiða? Þetta er án efa það sem að mig kvíður mest fyrir á komandi helgi. Fara fyrst í Bónus þar sem að ég byrja með aukahjartslögin (sem að eru nota bene stress tengd - og ég búin að vera með meira og minna ALLAN desember) um leið og ég sé helvítis grísinn. Hvað er þetta fyrir logo??? Bleikur feitur sparíbaukur með sólheimaglott. Það á að vísu við að tvennu leiti, fyrst þeir náðu nú að nurla svolitlu af því sem að við eyðum hjá þeim, Bónusfeðgarnir, og svo í öðru lagi látum við leiða okkur eins og svín til slátrunar þangað inn um hverja hátíðar.

Finna körfu. Mjög líklegt að það sé enginn á lausu þannig að eina leiðin til þess að verða sér út um eina slíka er að gerast stalker fyrir utan Bónus. Er eitthvað meira niðulægjandi. Það kemur einhver út úr búðinni, með kerruna svoleiðis sligaða af mat og rembist við að koma henni á áfangastað (merkilegt hvernig allar stéttar halla fyrir utan þessar verslanir þannig að það er ekki í valdi venjulegrar manneskju að stýra þessu). Ég ákveð eins og veiðimaður "þetta er kerran mín" og af stað. Ég aksúalt ELTI fólkið þangað sem að það er að fara. Svo stend ég og horfi á það afferma kerruna og er til í að labba "óvart" fram hjá á því augnabliki sem að hún losnar. Jafnframt þarf ég að huga að því að enginn annar sé líka að fara að fanga þessa kerru og að greyið fólkið taki ekki eftir því að ég sit um það. Mjög snúið.

Svo er það að fara inn og versla. OK. Inn og um leið og komið er með annað framhjólið á kerrunni inn er hámarkshraðinn kominn í 30cm/klst. Ok ekki klst en allavega á 10 mín. Svo silast ég áfram með körfuna og reyni að henda því sem að augað minnir á ofan í kerruna um leið og ég sé það (listinn sem að ég gerði er út í bíl). TVEIMUR klst senna er ég í röðinni AFTAST í búðinni. ...

...4 klst síðan ég kom inn í búðina og ég fæ að borga.

Þegar ég er komin út í bíl er listinn fundinn og merkt við. C.a helmingurin verslaður. Ég þarf að fara aftur. Anskotinn! Fer í Nóatún - mér er slett sama þótt að hún sé dýrasta búðin á landinu. Ég veit það að ef að ég þarf að fara inn aftur þá fer ég að grenja. Ég bara veit það.

Ég vill ekki vera svín.