Loksins – loksins komin aftur!

Er búin að vera heima í viku vegna brjósklos í mjóhrygg. Voðalega gaman! Er enn þá að drepast en er ekkert smá ánægð að vera komin í vinnuna aftur. Mannskemmandi að vera svona heima og geta ekki gert neitt nema að finna til.

Og ekki nóg með það heldur var Siggi líka svolítið mikið heima þessa vikuna vegna snjós (finnst ykkur þetta vera fair – það mætti halda að hann væri í barnaskóla). Sumir myndu eflaust hugsa sem svo “rosalega var hún þó heppin að hann hafi getað hjálpað henni heim á meðan hún var svona í bakinu!” ...... ...Rosalega er langt síðan þú varst í sambandi. Þið hinar vitið hvað ég meina! Hangið heima, ekki sett í svo mikið sem eina þvottavél né uppþvottavél hvað þá að það sé tekið út úr þeim. Sofið út í eitt og ekkert farið í búð nema það væri beðið sérstaklega um það. Og svo þurfti ég að fara sjálf að versla stórt á föstudaginn af því að við vorum að svelta heima vegna þess að MATUR komst yfirleitt ekki á listann í MATvörubúðinni!!!

Haldið þið ekki að hann hafi svo farið á æfingu á þriðjudaginn og gekk eitthvað aðeins fram af sér og fékk harðsperrur. BIG F...... DEAL. Nei, nei, hann fór á aðra æfingu á miðvikudaginn (eftir að hafa legið og vælt allan daginn) og kom svo heim af henni, liggur við í hjólastól. “Ég hitti vin vinar míns á æfingunni áðan og hann er sjúkraþjálfari og hann sagði að þetta gæti verið að ég hefði rifið einhverjar af vöðvafestunum í handleggjunum á mér í gær og það væru verkirnir!” Ertu að grínast í mér eða??? “Hann sagði að þetta væri rosalega algengt og að fólk hreinlega misskildi þessa verki fyrir harðsperrur!!!” Uppglennt augu og svipurinn spurði mig bara; finnst þér þetta ekki alveg rosalega merkilegt? Hvað haldið þið að hann hafi gert mikið síðan??? Akkúrat – rétt hjá ykkur. EKKERT.

Hann gat ekki einu sinni haldið á dóttur okkar inn í herbergið sitt (hún sofnaði inni hjá okkur) á laugardaginn! (Ath! Á laugardaginn!!! – Verkirnir eru eins og harðsperrur!!!) Ég átti að gera það, sem ég og gerði. Umm... ...brjósklos á tveimur eða harðsperrur, spurning hvort vinni “ég finn meira til” leikinn. Læt ykkur um að dæma.

Ohhh (nánast fullnægingar stuna) Hvað það er nú gott að fá útrás svona aftur!!!